Member's statement: Ciorruithe BBC: Tionchar ar Chláir Ghaeilge
Member's statement by Mr Colm Gildernew on .
- MLA
- Mr Colm Gildernew
- Party at the time
- Sinn Féin
- Date
- 20 October 2026
- Type
- Member's statement
- Business
- Members' Statements
- Heading
- Ciorruithe BBC: Tionchar ar Chláir Ghaeilge
- Assembly identifier
- Official Report component 5798328
Read the official Assembly record
Text
Éirím lena chur in iúl an imní mhór atá orainn faoi na ciorruithe ar BBC a bhfuil iomrá leo anseo sa Tuaisceart. Tá imní mhór orainn faoin tionchar a d'fhéadfadh bheith acu ar BBC Gaeilge agus ar chláir Ghaeilge go háirithe. Bainfear an bonn dár dtionscail áitiúla chruthaitheachta leis na ciorruithe ar léiriúchán na n-ealaíon agus na siamsaíochta, cuirfear poist i mbaol agus laghdófar ar na deiseanna atá ag daoine éirimiúla áitiúil a gcuid oibre a fhorbairt agus a thaispeáint. Tá daoine oilte a bhfuil taithí, ciall don chruthaitheacht agus eolas acu ar ár bpobail taobh thiar de na cláir sin, agus cuidíonn siad lenár scéalta a chur in iúl don lucht féachana. Bheadh daor orainn dá gcaillfimis an saineolas sin, ní bheadh ann ach tuí na háithe a chur ar an mhuilean. Ós rud é gur craoltóir seirbhíse poiblí é BBC, tá freagracht orthu guth a thabhairt do na daoine, an cultúr agus na pobail a bhfreastalaíonn siad orthu. D'fhéadfadh na ciorruithe sin dochar a dhéanamh do phoist áitiúla, do thionscail chruthaitheachta agus d'ionadaíocht chultúrtha. Ní mhaolófar an dochar sin lena rá gurb é an plána mín atá á chur ar an tseirbhís. Tá imní faoi leith orm faoi thionchar na gciorruithe sin ar an tsoláthar don Ghaeilge. Tá pobal na Gaeilge anseo ag fás, agus ba cheart aitheantas agus tacaíocht a thabhairt don fhás sin, in áit an smior chailleach a bhaint as le ciorruithe. An áit a mbíonn craoltóireacht, bíonn deis an teanga a chluinstin agus a úsáid sa ghnáthshaol ag an té atá líofa, ag an té atá ag foghlaim agus ag an teaghlach atá ag tógáil páistí trí Ghaeilge. Cuireann sí saibhreas na teanga agus an chultúir roimh lucht mór féachana fosta. Cuirfidh Sinn Féin in éadan iarracht ar bith an soláthar sin a lagú. Tá freagraí soiléire uainn maidir leis na himpleachtaí a bheidh ann don fhoireann agus don mhaoiniú, agus do chláir bheo agus rialta. Tá infheistíocht leanúnach agus tiomantas soiléir do bhuaine na dtionscal cruthaitheachta agus na seirbhísí Gaeilge de dhíth.
339 words. Text as published by the Northern Ireland Assembly.
Assessment
Awaiting analysis
This record has not been analysed yet. It is not counted in any total until it has been assessed.
Disagree with this assessment?
Classifications can be challenged. A person reviews every challenge, and any change is recorded publicly above with its reason.